3大至潮创意 毕业花束 日本悭钱大热零食花
毕业季又到啦，毕业生都忙紧去毕业旅行的时候，作为他们嘅朋友、家人或者男女朋友，係时候谂下毕业礼送咩花俾他们！唔想咁行送公仔或者一大束花，想为佢嘅毕业典礼留一个特别嘅回忆？咁就要参考下其他地方究竟送咩 毕业花束 啦！1.悭钱! 零食变 毕业花束
无错！你无睇错，零食可以变花束送畀人。最近日本Twitter涌现咗一大批零食花束嘅相，原来最近日本人都流行送零食花畀人，唔好以为零食花束好似会好小家，会好似学生抽奖礼物，正正相反，出黎嘅效果好可爱，最重要嘅係一啲都唔难整，成本唔高，又唔会浪费，学生首选！整零食花听落好似好简单，但其实要有少少技巧先可以有可爱嘅感觉！
技巧一：当中要放真或者假花。虽然佢係零食花，主要都係用零食包装，但想效果梦幻啲同似花束多啲就要放花係零食嘅中间，以假乱真，令到零食同花融为一体！
技巧二：包装纸都好重要，如果砌功唔叻，包装纸都可以救你一命，例如用啲可爱嘅包装纸，包到成个窝夫咁，见到都觉得甜！
技巧三：利用小工具木条和吸管。点将零食放满成束花？咁就要利用一下小工具！将零食痴係木条和吸管上面，垫高零食，咁底下果层唔放都可以做到零食多到满嘅效果！
仲係无头绪点整？睇下呢段教学短片啦！如果想再简单啲，珍宝珠花都係唔错嘅选择！
2. 浪漫韩国小花束 送女朋友佳品
睇完日本，就到韩国啦！韩国最近有迷你花嘅热潮 ，兴买细细束、充满少女味的韩国小花束，主要嘅花虽然唔係玫瑰，但都充满浪漫嘅气息，啱晒送畀女朋友！而且唔驶自己整，都唔驶去韩国，因为香港唔少Instagram 店舖都有得买啦，仲有花种可以拣！
小小花束 浪漫满泻
savon_fleur
IG：savon_fleur
送礼佳品小花束灯
（ 
（
Store. Laziness
IG:store.laziness
3. Hello Kitty 迷必送！Hello Kitty 样鲜花束
如果朋友係卡通迷，零食花或者小花束都未必适合你，但呢个Hello Kitty 公仔鲜花就啱晒你啦！香港唯一一间拥有Sanrio 授权嘅花店，用鲜花砌成Hello Kitty 样嘅花束，只要钟意Hello Kitty 嘅人都会立即尖叫，不过价钱唔平，大家可以谂清楚先订！
Yume Flower Market
沙田店
地址：沙田正街2号一田百货L3
电话：3426 3874
中环店
地址：夏悫道10号和记大厦1楼133号舖
电话：2780 8677
